LO CURSUS ESCOLAR
A l'escòla
L’occitan pòt èsser ensenhat a l’escòla primària segon mai d’una modalitats :
- D’activitats de compreneson del patrimòni linguistic et cultural :
Aquel ensenhament es destinat a totes los escolans. Lo projècte d’escòla ne precisa las modalitats (circulàiria rectorala del 21 de mars de 2007). Lo temps d’ensenhament es pres sus las matèrias concernidas (musica, istòria, educacion fisica, poesia, mestresa de la lenga francesa). - Une initiacion a la lenga regionala :
Destinat als escolans de mairala. Dispensat per de mètres volontaris. Lo temps d’ensenhament es pres sus l’ensemble dels domenis d’ensenhament. Lo projècte academic occitan permet aquel tipe d’ensenhament. -
Un ensenhament de lenga occitana
::
Destinat als escolans de CP al CM2. Dispensat per de mèstres habilitats en occitan. Lo temps d’ ensenhament es pres sul temps de lenga viva. Dins l’acadèmia de Montpelhièr , pòt èsser associat a l’ensenhament d’una lenga viva estrangièra (circulàiria rectorala del 21 de mars de 2007). Lo projècte academic occitan permet aquel tipe d’ensenhament. -
Un ensenhament biligüe a paritat orària :
las materias son ensenhadas en occitan pendent la mitat del temps de classa. Los mèstres son recrutats especialament. La dobertura d’un cursus bilingüe se fa a l’initiativa de l’inspector d’acadèmia sus demanda dels parents d’escolans (circulària ministeriala n° 2001-167 del 5-9-2001 ENCART B.O. n°33 del 13-09-2001).
Al collègi
En 6ena et 5ena, mai d'un collègi prepausa una ora d'occitan. Es une initiacion a la lenga e a la cultura occitanas sovent ligada ambe d'autras matèrias dins l'ecastre del projècte d'establiment o del projècte academic occitan.
En 4ena e 3ena, l'occitan es tanben una opcion obligatòri ou facultativa a rason de 2 o 3 oras per setmana.
Al liceu
L'ensenhament pòt esser:
- Un ensenhament obligatòri de lenga viva 2 o lenga viva
- Una de las tres espròvas facultativas que balhan de punts dins totas las serias del bachelierat.
- Una espròva facultativa per d'unes CAP, BEP et BTS.
A l'universitat
L'occitan es ensenhat dins:
- de modules integrats dins las estudis de letras, arts et sciéncias umanas
- l'encastre d'una filièra especialisada, licéncia, master...
A l'I.U.F.M. (institut universitari de formacion dels mestres)
L'occitan es ensenhat per preparar:- lo concors de professor de las escòlas
- lo concors de professor de las escòlas especial occitan
- lo CAPES de letras modernas opcion occitan
- lo CAPES d'occitan-lenga d'oc