L'occitan es ensenhat dins l'acadèmia de Montpelhièr dins de classas bilingüas de l'ensenhament public (700 enfants concernits), dins de classas mairalas o primàrias en ensenhament d'iniciacion o de lenga viva (mai de 10 000 escolans).
Un projècte pedagogic academic annadièr balha als mèstres e als escolans d'aisinas de trabalh per çò far. Un album e una BD per enfant, un CD audio e de fichas pels mèstres son prepausats pels conselhièrs pedagogic, amb l'acompanhament adequat al long de l'annada.
Los mèstres benefician tanben d'animacions pedagogicas, d'estagis de formacion e d'ajuda per montar de grops de recèrca.
D'autras ajudas a l'ensenhament son tanben editats dins l'encastre del CRDP per la còla pedagogica del Pòl occitan (compausada de conselhièrs pedagogics 1er gra e de professors del segond gra): albums de joinessa, manuals didactics, recuèlhs de cants e comptinas, literatura.
FLASH INFO
"Encontradas"Recampaments departamentals en occitan
Los escolans que seguisson un ensenhament de o en occitan dins l'acadèmia de Montpelhièr se recampan en fin d'annada dins cada departament. 2700 mainatges son esperats dins Aude a Lesihnan de las Corbièras lo 8 de junh. Dins Erau, seràn 1800 a Laveruna lo 10, 1900 a Alès lo 17 e 2000 a Mende lo 17.
Mai d'una animacions seràn prepausadas: ajustas linguisticas, contes, activitats esportivas, dansa musica e teatra amb Coriandre, Gargamela teatre, Cabr'e can, Goulamas, Castanha é Vinovèl, Cie de La Loue e plan d'autres
Estagi academicL’estagi academic de formacion de mèstres del primièr gra se debanarà a Camprieux (30) del 27 de setembre al 1er d’octobre de 2010. 20 regents dels quatre departaments trabalharàn la setmana tota sus la didactica de la lenga e la mesa en òbra del projècte academic occitan 2010 / 2011 .